На 20 домашни микро, мали и средни компании, вклучувајќи ги Брансис ДООЕЛ Скопје и Клакси ДООЕЛ Скопје, што аплицираа на два јавни повици спроведени од страна на Фонд за иновации и технолошки развој со поддршка од World Bank Skopje, на 08.02.2018 им беа доделени договори за финансирање на технолошки иновации.

Со овие инвестиции ќе се спроведуваат проекти коишто треба да придонесат за намалување на загадувањето на воздухот во урбаните средини, како што е и решението на Клакси ДООЕЛ Скопје за „TaxiPolling“ што претставува споделување на такси возило помеѓу повеќе патници кои се движат во ист правец. На овој начин патниците ќе можат да добијат комфорен такси превоз и по цена на јавниот превоз, возачите ќе можат да заработат и до 3 пати повеќе од претходно, и најважно, ќе се подобри искористеноста на превозот, ќе има помалку празни седишта по возило и истовремено помалку активни коли што резултира со намалување на издувните газови во сообраќајот.

Дел од иновативните проекти се наменети и за странските пазари, како што е Good Deal GPS решението на Брансис, што претставува електронска евиденција на записи од возила (е-тахографи) специјално развиено за Америчкиот пазар.

Овие проекти се доказ дека Македонија изобилува со креативни, способни и вредни кадри, подготвени да го реализираат својот сон, да преземаат акција и да креираат нови вредности.

Групацијата Брансис стана член на NWRA. Американската Национална асоцијација за отпад и рециклирање-NWRA е лидер во индустријата за отпад и рециклирање. Таа активно ја промовира безбедноста преку законодавството и образованието.

Националната асоцијација за отпад и рециклирање е трговско здружение кое ги претставува компаниите за отпад и рециклирање на САД од приватниот сектор, како и производителите и давателите на услуги кои работат со овие компании. Оваа година, Групацијата Брансис, со своето иновативно софтверско решение за управување со отпад, стана еден од членовите на ова здружение.

Членовите на асоцијацијата, како и Брансис, вршат бизнис во сите 50 држави во САД. Асоцијацијата вклучува компании кои собираат и управуваат со мешан отпад, рециклирање и медицински отпад, производители на опрема и дистрибутери и разни софтверски услуги и хардверски провајдери за управување со отпад и следење на контејнери и возила вклучени во транспорт на отпад.

Како телематика влијае на управувањето со трошоците за гориво на флота возила

Трошоците за гориво се голем дел од вкупните трошоци на еден возен парк. Затоа важно е за одговорните лица на еден возен парк да можат да најдат начин да ги намалат овие трошоци. И додека постојат едноставни работи што флотите можат активно да ги направат за да ја намалат потрошувачката на гориво додека трошоците растат, менаџерот на возниот парк кој активно бара начини за намалување на трошоците за гориво на долг рок мора да размислува однапред, што најчесто значи вклучување на технологијата… Прочитајте повеќе

*Извор: http://www.automotive-fleet.com/channel/fuel-management/article/story/2018/02/fleet-tech-today-and-beyond-fuel-management.aspx